RUTAS DE SENDEIRISMO!!

O alumnado de 3º, 4º e 5º de E.P realizou varias rutas de sendeirismo para coñecer a contorna máis próxima e descubrir algunhas das lendas que agochan este máxicos lugares.

*3º de E.P: o día 8 de outubro tiveron unha andaina  de 7 km ata o castro Lupario , pasando polo Xardín do Recordo e polo Pazo do Faramello.

Descubriron a lenda da raíña Lupa !!

*4º de E.P: o día 15 de otubro levaron a cabo unha andaina de 9 km chegando ao parque  do santo Arandel onde coñeceron a lenda de como se produciu a romaría do santo Arandel  que está moi relacionada coa lenda do Castro Lupario...

  

*5º de E.P: o 28 de outubro fixeron unha andaina de 10Km ,dende a ponte romana de Pontevea (Teo) ata o Xirimbao.

Descubriron a lenda de Pepa a loba  e a da ponte do Xirimbao!!!

  

Moitas  grazas á profe de E.Física , Alicia, por levarnos a todas estas experiencias !!

 

O mes de novembro inaugúrase con "Iseo, a Moura", de Mumáxica S.L. Esta é unha naración oral con música orixinal, cancións con retrousos pegañentos, coreografías participativas e moita retranca. Unha actividade para achegar a mitoloxía galega á cativad dun xeito fresco, visual e cheo de maxia. Iseo, a Moura, un ser tan máxico como trapalleiro, precisará da axuda do público para lidar con xigantes, nebueiras e outras criaturas incribles.

*SERÁ O VENRES 6 DE NOVEMBRO, ÁS 18:00H NO PAZO DA PEREGRINA (Bertamiráns).

*É PRECISO INSCRIBIRSE DO 29 DE OUTUBRO AO 5 DE NOVEMBRO, ENVIANDO UN CORREO  A:  normalizacion@concellodeames.gal

cos seguintes datos:

-nome e apelidos das persoas que queren asistir,

-idade das crianzas,

-teléfono de contacto.

ANIMÁDEVOS SERÁ UNHA TARDE MÁXICA !!!

 

O  SAMAÍN  NO  AGRO!!

O  SAMAÍN  ten a súa orixe  nas tradicións celtas. "Samhain" significa " fin do verán" e neste sentido, os celtas celebraban o final do verán e das colleitas.

Esta celebración coincide co 31 de outubro e o 1 de novembro e ten un pasado milenario, moito máis antigo que o "Halloween".É a noite máis espeluznante do ano onde hai cabazas, vampiros, morcegos, bruxas, pantasmas, monstros... Únese o mundo dos vivos co dos defuntos.

En Galicia, o Samaín , dende fai uns anos, foi obxecto dun proceso de recuperación e reivindicación.

A semana do 27 ao 30 de outubro, as familias colaboraron para facer unha gran exposición de caveiras de Samaín.

O venres 30 de 18:00 a 20:00 teremos unha festa a que están convidades todas as familias. Podedes vir tod@s disfrazados ... pasarémolo de medo !!!

 

BENVIDOS AO CURSO  2026-27 !!

ESTE ANO O PROXECTO DO E.D.L.G  TITÚLASE "GALICIA MÁXICA" POLO QUE AFONDAREMOS NOS SERES MITOLÓXICOS DE GALICIA E NAS SÚAS LENDAS.

UN ANO CON  MOITA MAXIA E MOITO QUE DESCUBRIR !!!

 

Hoxe, venres 19 de xuño, poñemos fin ao curso escolar 2025-26 cunha gran festa na carballeira de Ortoño.

Saimos do colexio camiñando para desfrutar dunha xornda moi festeira donde non faltou a música tracional, a merenda campestre e o xeado.

DENDE O EDLG DESEXAMOS A TODA A COMUNIDADE EDUCATIVA DO C.E.I.P AGRO DO MUÍÑO E VOLTAREMOS EN SETEMBRO CON MOITAS MÁIS AVENTURAS EN GALEGO.

FELIZ VERÁN!!!

 

O mércores, 17 de xuño, a Casa da Cultura de Bertamiráns converteuse no escenario dunha tarde chea de emocións coa representación de O Principiño por parte do alumnado de 6º de Primaria.

Inspirada no noso PDI Agronautas en órbita, esta adaptación permitiulles compartir coas súas familias o resultado de meses de traballo, ensaios, aprendizaxes e ilusión. Música, danza, expresión dramática e acrosport uníronse para dar vida a unha historia que fala da amizade, dos soños e da importancia de mirar máis alá do visible.

Esta actuación serviu tamén como unha fermosa despedida da súa etapa no CEIP Agro do Muíño, pechando un capítulo cheo de experiencias, recordos e momentos compartidos.

Moitísimas grazas a Alicia polo seu traballo, dedicación e compromiso ao longo destes cursos, facendo posible unha despedida tan especial para o noso alumnado.

Moita sorte nesta nova etapa que está a piques de comezar.

A voar, rapazada!

Aquí vos deixamos un video mostra do que alí vivimos... un auténtico espectáculo !!!

O xoves 18, repetiron o espectáculo para todo o alumnado do centro !!!

FOI  ESPECTACULAR, UNS SUPER ARTISTAS !!!

 

 

Cada  5 de xuño, conmemoramos o  Día Mundial do Medio Ambiente, para fomentar la conciencia pública, impulsar a acción climática e promover o desarrollo sostenible a nivel global.

Coa finalidade de concienciar ao alumnado da importancia de coidar o noso planeta. 🌱💚nesta ocasión,dado que estamos traballando o espacio, fixemos fincapé en  Xunqueira Ézara, unha enxeñeira aeroespacial galega de Redondela que traballa en proxectos moi interesantes relacionados coa limpeza do lixo espacial. 🛰️✨

A través das súas investigacións descubriron que arredor da Terra orbitan satélites e outros restos que xa non se utilizan e que poden supoñer un problema para futuras misións espaciais. Xunqueira participa no desenvolvemento de novas tecnoloxías para retirar estes residuos do espazo e contribuír a un uso máis sostible da órbita terrestre. Ademais, tamén colabora en proxectos da Axencia Espacial Europea relacionados coa exploración de Marte. 🚀🔭

Despois de coñecer esta realidade, a cativada reflexionou sobre a importancia de reducir os residuos non só na Terra, senón tamén en calquera lugar onde desenvolvamos a nosa actividade. 🌍✨

Esta investigación serviulles para lembrar un concepto moi importante: as 3 R. ♻️

👉 Reducir, consumindo só o necesario.

👉 Reutilizar, dando unha segunda vida aos obxectos.

👉 Reciclar, separando correctamente os residuos para que poidan transformarse en novos materiais.

A través destes pequenos xestos comprenderon que todas as persoas podemos contribuír a diminuír a cantidade de lixo que xeramos e a protexer o medio ambiente. 🌱♻️

 Coidar a Terra é unha responsabilidade compartida onde cada acción conta  e, os xestos que realizamos hoxe axudarán a construír un futuro máis limpo, saudable e sostible para todas e todos. 💚🌍✨

LEMBRAMOS QUE: 

"A  TERRA É UN PLANETA MOI BONITO PERO, HAI QUE COIDALO!"

O sábado 6 de xuño celebrarase a VII Festa do Apego , con actividades e recursos para gozar da festa en familia e favorecer a socialización e a crianza en galego onde os  participantes poderán gozar de contos con música, xogos, concertos, teatro, clown, obradoiros, espazos de xogo, espazos de creatividade e espazos de recursos. Todo isto e moito máis para achegarlles ás familias recursos lúdicos e educativos que favorezan a transmisión da lingua e unha crianza positiva, creativa e en galego. . 

Todas as actividades da xornada son de acceso libre e gratuíto, sen necesidade de inscrición previa. Se as circunstancias meteorolóxicas impedisen a realización das ditas actividades en exterior, estas trasladaranse á Casa da Cultura de Bertamiráns e á praza de Chavián.

Ao longo de todo o día, ademais dos espectáculos programados, haberá actividades e obradoiros abertos de xeito permanente, en horario de 11.00 a 14.00 e de 16.30 a 20.00 horas, no patio do Pazo da Peregrina.

Animámosvos a participar desta xornada lúdica en galego!!

 

O martes 19 de maio tivemos un concerto de PAKOLAS no centro para todo o alumnado. Este estaba dentro do programa "Modo galego, actívao" e foi financiado polo SXL do concello de Ames.

Foi unha xornada de rock en galego onde A Ramona pequena chegou co galego ata a Lúa!

Aquí vos deixamos unha mostra do ben que o pasamos!

 

O 17 de maio , celebramos o Día das letras galegas, recordando que, tal día como ese, en 1863, publicouse  o primeiro  exemplar da obra  "Cantares gallegos", de Rosalía de castro, que marcaría o inicio do "Rexurdimento", o renacemento cultural de Galicia.

Este ano 2006 no Día das Letras galegas, a autora homenaxeada é BEGOÑA  CAAMAÑO  RASCADO (Vigo, 1964- Santiago de Compostela  2014).

Begoña rematou os estudios de maxisterio pero nunca exerceu. Dedicouse ao xornalismo, traballando nos servizos informativos da Radio popular de Vigo, Radio Noroeste e na Radio Galega.

Publicou dúas obras: "Circe ou de pracer do azul"(2009) e "Morgama en Esmelle" (2012).

No C.E.I.P "Agro do Muíño" do 11 ao 21 de maio homenaxearemos a esta autora que, desde a súa infancia inventou xogos ata converterse  nunha das voces máis importantes da radio, do activismo  e da literatura galega, loitando sempre pola xustiza, polo galego e pola igualdade.

Aquí  vos deixamos un video onde se poden ver as diferentes actividades que se levaron a cabo no centro na semana cultural das Letras Galegas!