A edición de 2024 dos Premios Mil Primaveras recoñeceu catro novos proxectos de normalización lingüística: Brazolinda (unha iniciativa empresarial de creación de xogos en galego), Galego para peques (un proxecto audiovisual dirixido á primeira infancia), Modo galego, actívao! (un programa integral de dinamización lingüística en diferentes ámbitos) e Vitamina G (unha iniciativa educativa co galego como factor de integración e cohesión social).

Modo galego, actívao!

Modo galego, actívao! é un proxecto de investigación-acción desenvolvido de xeito colaborativo pola Real Academia Galega e o Concello de Ames. Botou a andar en 2021 e busca dinamizar a lingua galega traballando asemade diferentes ámbitos: a educación, o lecer e as familias. É un programa exportable a outros lugares que combina a intervención e a avaliación, o que permite que poida evolucionar de acordo cos resultados obtidos. Destaca pola colaboración entre institucións e pola implicación de diferentes axentes (docentes, alumnado, monitorado e familias) nun proxecto integral para todo o concello. O xurado tamén salientou aspectos como a súa planificación coidada e rigorosa, que promove a reflexión sociolingüística interxeracional e que incide en diferentes ámbitos de vida das crianzas co fin de facilitar a socialización en galego.

O sábado ,7 de xuño, será a entrega do premio no Pazo da Cultura de Pontevedra.

Parabéns ao Concello de Ames por esta iniciativa e a todos os centros educativos participantes  de Ames: EEI de Milladoiro, CEIP Agro do Muíño, Ceip A Maía,  CEIP de Barouta, CEIP de Ventín.

 

 

Cada  1 de  Abril  conmemoramos  o  DÍA DAS ARTES GALEGAS.

Este  ano 2025 o homenaxeado é  ISAAC DÍAZ PARDO

( Santiago de Compostela , 22 de agosto de 1920 -A Coruña ,5 de xaneiro de 2011).

Os ollos de Isaac , como os de Picasso, vían detrás do horizonte artístico... era máis  que un xenio e demostrouno  como pintor, deseñador, ceramista e arquitecto. 

Unha figura "transcendental da transformación das artes galegas do s.XX".

 

 

O día 21 de marzo, coincidindo co equinocio da primavera no hemisferio norte, conmemoramos o Día Mundial da poesía simbolizando así a renovación e o florecemento da cultura e da lingua a través da poesía.

O alumnado de 3º de E.P coa axuda da súa mestra de E.Física , crearon poemas sobre o mar e interpretáronnos con percusión e movemento.

E o alumnado de 6º de E.P fixo unha fermosa regueifa sobre o mundo mariño "AMARAMAR", a cal impulsa a improvisación oral en verso en lingua galega e amplía aptitudes retóricas . Con esta regueifa participarán no VIII edición do certame "Enregueífate".

 

Do 10 ao 14 de marzo celebramos a "Semana da prensa na escola".

O alumnado de 3º e 4º de E.Primaria editou o xornal da nosa escola "O FARO DE AGRO" cunha edición especial onde se recollen moitas novas, entrevistas , pasatempos, horóscopo... foi todo un éxito!

Aquí podedes ver algunhas das actividades que se levaron a cabo cos xornais... 

 

O luns 10 de marzo,  commemoramos o Día Internacional da Muller que este ano dedicamos ás mulleres do mar: mariscadoras, mariñeiras, percebeiras, redeiras... e ,en especial a nosa oceanógrafa, de recoñecemento mundial, Ángeles Alvariño.

As alumnas de 6º E.primaria recitaron uns poemas que elas mesmas escribiron sobre as mulleres do mar e o alumnado de 5º E.Primaria elaborou o mural "Un mar de igualdade". Contamos coa actuación de Olga Kirk e Pablo Díaz que nos financiou o Concello e, para finalizar o acto, fixemos entre tod@s unha "Onda pola igualdade" coas pañoletas  violetas que nos agasallou a ANPA .

 

O venres, 7 de marzo, o alumnado de 5º de E. Infantil e 6º de E.Primaria, participou na xornada de innovación "Innov@mes"  organizada polo Concello de Ames  co obxectivo de fomentar  a formación en innovación nos centros de ensino amienses.

Presentaron dous proxectos : " O mundo submarino" e "Aprendendo xeometría coa impresora 3D" cos que acadaron o 3º e 4º premio .

Parabéns para tod@s @s premiad@s polo seu traballo !!!

 

O ENTROIDO  é unha celebración de longa tradición en Galicia e, a importancia é tal que, oito dos entroidos galegos son considerados "Festa de interés turístico". Tal vez sexa a festa por excelencia cunha gran participación de ne@s e maiores por iso, no noso centro, do 24 ao 28 de febreiro , traballamos esta tradición coa finalidade de promover o coñecemento da nosa cultura popular. 

Comenzamos a semana cos mandadiños do meco...

e rematamos o venres de Entroido cunha gran festa con desfile de comparsas e baile para todas as familias.

O día 23 de febreiro, celebramos o "Día de Rosalía",  nacida en Santiago de Compostela (1837-1885), e que pasou os primeiros anos de vida aquí en Ortoño, coas súas tías.

É a escritora galega máis recoñecida a nivel mundial tanto pola súa poesía como polas súas novelas.

No noso centro, o luns 24 de febreiro, fixemos un acto na súa honra !

Nas aulas traballamos a figura desta gran escritora a través de diferentes actividades ...

E ademais, pola tarde, o alumnado de 5º e 6º de E.P participou na "Gala de Rosalía" que organiza o Concello de Ames.

Nesta Gala participaron todos os centros educativos de Ames, a asociación cultural de Bugallido, Anxo Angueira, Uxía Senlle e Santi Cribeiro, Xabier Estévez,...

Foi unha Gala moi fermosa donde se homenaxeou por todo o alto a figura da nosa Rosalía de Castro.

 

 

CHEGAMOS  AO REMATE DA 3ª EDICIÓN DO "MODO GALEGO ACTÍVAO"!

Hoxe , 14 de febreiro, día do amor, rematamos  por todo o alto, cunha gran festa coas "Maianas", cantando e bailando "FALO GALEGO PORQUE QUERO" unha canción que este grupo de amesás creou para este proxecto e que xa se convertou en todo un himno de amor pola nosa lingua!!

O PROGRAMA REMATA PERO, QUEREMOS ANIMAR AO ALUMNADO E AS FAMILIAS A SEGUIR CO MODO GALEGO ACTIVADO PORQUE " O IDIOMA É A PATRIA E A ESENCIA MÁIS NOSA" (Manuel María)

 RETO 15:

Este si,é o último reto que se nos  propón.

O reto consistiu en poñer as frases motivadoras ou lemas elixidos  nuns soportes ben  chulos! E todas e todos fachendeando co noso lema ou coa nosa frase.

Aquí podedes ver esa creatividade amesá !!

SUPERPODER DA INMORTALIDADE CONSEGUIDO !!!

 RETO 14:

Estamos chegando ao final desta aventura e os últimos días a cousa complícase. 

Hoxe convertímonos en publicistas e o reto foi  pensar un lema ou unha frase motivadora que estimule o uso da lingua...

SUPERPODER DA SUPERRRESISTENCIA CONSEGUIDO !!!

 RETO 13:

Sabemos ben que as nenas e os nenos de Ames estades cumprindo o contrato e fostes quen de activar o galego durante todos estes días e que habedes seguir con el activado.

Pero... E a xente grande? Como anda o seu nivel de activación?? Hoxe todo o alumnado vaille facer un pequeno exame ás persoas adultas que ten máis próximas e o reto de hoxe  consistiu en dúas cousas:

1. Contar como anda o Modo galego pola  casa.

2. Escoller o profe ou a profe de todo o centro que máis e mellor activa o galego.

Foi difícil pero... tocou mollarse e escoller cales son os e as profes referentes do Modo Galego Actívao no noso cole.

SUPERPODER DO ULTRAMAGNETISMO CONSEGUIDO !!

 RETO 12:

Xa levamos moitos días co galego activado, pero mañá ímonos converter en axentes da lingua... Entón o reto foi conseguir que máis persoas activen o galego.

O alumnado de 2º de E.P fixo unha fermosa canción para a nimar a cantar en galego!

https://youtu.be/AFF1pgSX3-k

SUPERPODER DA MEGAMULTIPLICACIÓN  CONSEGUIDO !!!

 RETO 11:

Hoxe toca facer ben visible que a xente nova de Ames está traballando arreo para activar o galego. A primeira semana foi unha peza de roupa azul, a semana pasada foron as uñas azuladas… 

 Pois o reto para hoxe foi  traer todas e todos unha pulseira azul. 

SUPERPODER  DA SUPERCREATIVIDADE CONSEGIODO !!

 RETO 10:

Como ben sabedes en Galicia conviven dúas linguas e isto é unha riqueza inmensa da que ás veces non somos moi conscientes. Está demostrado que todas as persoas galegofalantes son capaces de falar, cando menos, dúas linguas e este bilingüismo facilítalles a adquisición de máis linguas e doutros moitos coñecementos.

O reto para 10 consistiU en agasallarlle o nome dun lugar de Galicia a algún compañeir@ . 

SUPERPODER DA OMNIPRESENCIA CONSEGUIDO !!

 

 RETO 9: Moi preto de nós viven toda clase de animais. Hainos grandes, pequenos, con pelo, plumas, cornos, rabo, con catro patas, dúas… ningunha. Todos diferentes e especiais, todos marabillosos. 

E seguimos coas palabras… Hai moita xente que busca nomes para os seus animais e por moito que procuramos atopamos varios libros de nomes para persoas, pero non demos con ningún para animais. Facémolo entre todos e todas?

O reto de hoxe consistía en  escoller dous animais que vos gusten moito e buscarlles un nome galego. 

 RETO 8: A xente da Real Academia Galega sempre anda na procura de palabras novas para agrandar o noso dicionario. Axudámoslles?

O reto de hoxe foi  inventar unha definición divertida para unha palabra que xa existe ou inventar palabras novas graciosas.

 RETO 7:  Por moitas voltas que dea o mundo, a nosa lingua non se traba, por iso fomos quen de crear unha chea de trabalinguas ben xeitosos cos que podemos exercitar a lingua e botar unhas risas.

O reto de hoxe foi  traer aprendido un trabalinguas e compartilo co resto da aula. Tamén se podían traer as máis orixinais e divertidas adiviñas.

 RETO 6: Lembrádesvos da cor da lingua? Hoxe vai un reto ben vistoso para que o mundo enteiro saiba que temos lingua propia e que non imos permitir que ninguén no la roube. 

O reto de hoxe foi traer unha, varias ou todas as uñas de COR AZUL (para poñelas azuis poidemos utilizar esmalte, rotuladores, gomets…)

 RETO 5: Que ben sería poder termos todas as series que nos gustan en galego ou os cinemas cheos de propostas atractivas na nosa lingua. Pouco a pouco habémolo de ir logrando...

 RETO 4:

"Mil e un instrumentos!" O reto de hoxe consistiu en traer un instrumento ou un obxecto calquera que sirva para facer música e crear unha banda na clase tocando o noso instrumento ou facendo un desfile.

1º parte: 

2º parte:

 RETO 3:

Seguro que xa sabedes que temos un mundo de música de tos os estilos e para todos os gustos e a todos e todas nos presta bailar e cantar... Pois o reto de hoxe consistiu en que a xente valente se anime a cantar un anaquiño dunha canción en galego.

Uns auténticos artistas !!!

 RETO 2:

Que bonito é soñar, sabedes que se pode soñar espertos?

Pois o reto deste día foi contar á clase un soño ou contar cal é o noso obxecto favorito e por que é especial.

Aquí podedes ver cales son os soños e obxectos preferidos do máis pequenos!

 RETO 1: Seica para gustos se pintaron cores, pero o que é indiscutible é que en Galicia temos as cores máis fermosas do mundo. O verde da herba, o dourado da area, o alaranxado do solpor...

E a lingua?? Fíxose un estudo no que participou moita xente e maioritariamente acordaron que a lingua debía ser da mesma cor ca o mar, ca o ceo ou ca o río Miño que atravesa o noso país, AZUL.

Entón o reto  de hoxe foi traer  unha peza de roupa de COR AZUL. 

Así amosámoslle ao mundo a fachenda de termos lingua propia !

 O luns 20 de xaneiro comenzamos co "Modo galego, actívao" , negociamos o acordo de compromiso lingüístico  coas recompensas e asinamos o compromiso para as tres semanas.

O alumnado de Agro do Muíño comprometouse, case ao 100% ao nivel máximo!!!

Hoxe, día 16 de xaneiro, tivo lugar o acto de presentación da nova edición  do proxecto "Modo galego, actívao! " no C.E.I.P "A Maía" 

Ao acto asistiron o presidente da RAG, Víctor F. Freixanes; o alcalde e concelleiro de Normalización Lingüística de Ames, Blas García; a concelleira de Planificación e Xestión Educativa, Carmen Porto; a técnica do Servizo de Normalización Lingüística de Ames, Rosa Moreiras; a directora do CEIP A Maía, Isabel Abelleira; o lingüísta Henrique Monteagudo e  representantes dos equipos directivos e de dinamización e normalización lingüística dos centros de ensino, así como das ANPAS e do alumnado.

Con este proxecto impulsado pola Real Academia Galega e o Concello de Ames preténdese impulsar a inmersión lingüística durante 21 días é dicir, falar galego o máximo posible con todo o mundo e en todos os contextos da vida cotiá, dentro e fóra das aulas, xogando e conversando coas amizades, nas tendas, nas actividades extraescolares, etc.

ACTIVEMOS O MODO GALEGO !

 

 

A Xunta de galicia declarou 2025 como "Ano de Castelao" en homenaxe a Alfonso Daniel Rodríguez Castelao, a gran figura intelectual, política e histórica do nacionalismo antifascista galego, por cumplirse 75 anos da súa morte este 7 de xaneiro.

O alumnado de 6º de E.P fixo este fermoso traballo titulado "Palabras de Castelao":