O HERBARIO DE ROSALÍA

 O alumnado de 6º B fixo un obradoiro sobre foto transfer e Canva para facer o herbario de Rosalía. Despois de investigar na obra de Rosalía de Castro a flora que aparece, crearon unhas obras de arte en madeira coa foto da flor ou planta xunto cos versos onde a nomea. Este é o resultado. 

DÍA DE ROSALÍA ( 23 febreiro)

 

Ao longo  de toda a semana estivemos realizando actividades sobre a nosa poetisa Rosalía de Castro, vinculada ao Concello de Ames. Entre elas:

O XARDÍN DE ROSALÍA 

O alumnado de Ed. Infantil plantou os pensamentos, flor preferida de Rosalía, no xardín que leva o seu nome. Tamén fixeron o mural adicado a nosa autora.

ESTUDO DO SEU HERBARIO

Decorouse unha zona con poemas onde aparecen nomes de flores e árbores e a representación gráfica destes.

DIÁLOGOS TEATRALIZADOS sobre o xardín de Rosalía que se representarán tanto no centro como na Gala do Concello.

Aquí deixamos unha  mostra.

,

RECURSOS PARA O DÍA DE ROSALÍA

 

Prema na imaxe para atopar recursos para o Día de Rosalía. Recursos de varios centros e recompilados por Anabel no Recuncho das fadas.

DÍA DE ROSALÍA- 23 febreiro

 

Esta é a programación dende o Concello de Ames.

LUXO NO LIXO.- É unha intervención urbana ao aire libre, utilizando como soporte as papeleiras e colectores do lixo

Nos centros educativos comezamos por pegar os vinilos coa silueta de Rosalía cunha escolma dos seus versos nas papeleiras. 

O obxectivo é dobre:

- Xerar impacto sobre a figura de Rosalía de Castro.

- Poñer en valor o coidado do medio, a través da visibilización das papeleiras.

GALA HOMENAXE A ROSALÍA.-  Farase o venres 23 de febreiro na Aula de cultura de Bertamiráns.

Cada centro educativo aportará o seu graíño para que entre todos teñamos un bo espectáculo.

.

ENTROIDO (8 febreiro)

 

O venres 8 de febreiro celebramos o Entroido no cole. Foi unha xornada de portas abertas e as familias poideron disfrutar e ver como os seus nen@s se divertían.

Encheuse o noso pabillón de vida animal e vexetal.

Prema na imaxe

 

DÍA DA PAZ (30 xaneiro)

 Para celebrar o día da PAZ no Ceip Agro do Muíño fixemos unha árbore dos desexos pola paz ambiental.

CONCURSO POSTAIS DE NADAL

 Como todos os anos houbo o Concurso de Postais do Nadal. Pincha na imaxe para coñecer os gañadores.

" EXPOSICIÓN DE COGOMELOS NO AGRO "

A nosa cuidadora Beli montounos unha exposición de cogomelos e por alí pasaron todas as aulas e disfrutaron das súas explicacións.

 

FALADOIROS DO MUÍÑO: Aprendemos da flora e Fauna de Galicia.

 Esta vez tivemos a visita de Carolina, a mamá de Miguel. Falounos do noso proxecto deste ano:

" A Flora e Fauna de Galicia". Fíxonos un divertido e didáctico xogo con tarxetas de plantas e animais.

FALADOIROS DO MUÍÑO: Unha xornada micolóxica en Ed. Infantil

 Sonia, a tia de Xavi, veu a falarnos das partes dun cogumelo. Cales se comen e cales non, como se apañan... unha xornada micolóxica completa.