Novembro é o mes da Cª e este 2025 é o Ano Internacional das Ciencias e Tecnoloxías Cuánticas, facendo especial fincapé na preservación dos glaciares e no estudo do xenoma humano.

No noso centro fixéronse diferentes actividades para conmemorar a Cª en galego:

*O alumnado de 3º e 4º de E.P levou a cabo os días 3 e 4 de novembro un obradoiros científicos coa técnica medioambiental do concello onde , a través de diferentes estacións cientícas traballaron: a expansión do universo, a creación das galaxias, as fases da Lúa, as capas da Terra, os continentes e a súa evolución.

Ademais, o día 18, todo o alumnado do centro disfrutou dunha experiencia no planetario móbil que veu ao cole.

     

    

                                            

O alumnado de 6º de E.P participou nas videoconferencias organizada por Igaciencia:

 

E ao longo do mes veñen diferentes expertos a facer charlas e experimentos.

Como cada 20 de novembro, commemoramos o Día dos dereitos da Infancia coa finalidade de contribuír   a facer que os dereitos  d@s nen@s   sexan unha realidade en todos os países do noso planeta Terra.

Este ano, foi o alumnado de 1º de E.P o encargado da elaboración do mural e da elaboración dun podcats falando dos deritos de nenos e nenas.

 

O Magosto é unha celebración de orixe celta que forma parte da cultura galega. nela celébrase a chegada dos froitos de outono.

A pesar de que non ten unha data  concreta para celebrar, sóese facer entre o día de Santos ( 1 de novembro) e o día de San Martiño (11 de novembro).

Os principais elementos desta festa son o lume e as castañas.

Este ano no Agro, celebramos o magosto o día 12 de novembro e veu o tren das castañas, tivemos xogos populares e rematamos a festa cunha gran foliada.

 

 

O  SAMAÍN  ten a súa orixe  nas tradicións celtas. "Samhain" significa " fin do verán" e neste sentido, os celtas celebraban o final do verán e das colleitas.

Esta celebración coincide co 31 de outubro e o 1 de novembro e ten un pasado milenario, moito máis antigo que o "Halloween".É a noite máis espeluznante do ano onde hai cabazas, vampiros, morcegos, bruxas, pantasmas, monstros... Únese o mundo dos vivos co dos defuntos.

En Galicia, o Samaín , dende fai uns anos, foi obxecto dun proceso de recuperación e reivindicación.

Un ano máis, o noso cole celebrou o Samaín cunha fantástica exposición de cabazas cheas de maxia, humor e moita creatividade. 

As familias colaboraron decorando cabazas de todas as formas e estilos: pantasmas, monstros, astronautas, bruxas, planetas e moitas outras ideas orixinais que deixaron a todos abraiados.

O resultado foi un auténtico universo de imaxinación e cores, que encheu os corredores do Agro do Muíño dun ambiente festivo e moi especial.

Grazas a todas as familias pola vosa implicación e entusiasmo!

E , a tarde  unha gran festa coas familias, alumnado e profesorado compartindo unha xornada chea de maxia ,música, disfraces e moita diversión, coa inestimable  colaboración da ANPA  !!!

 

O alumnado  de 4º e 5º de E.P participou nun obradoiro sobre plantas  invasoras en Galicia ,  organizado pola asociación AMABUL dentro do programa  Aula Ambiental Ulla+25.

Aprenderon que estas especies son un perigo para a nosa boidiversidade.

 

Os días 15 e 17 de outubro, o alumnado de 4º e 5º de E.P  visitou  a exposición

  "Castelao. Mirar por Galicia" no Museo  Centro Gaiás onde se homenaxea e destaca a figura e obra de Castelao no 75 aniversario da súa morte.

Descubriron o percorrido persoal, literario, artístico e político dunha das figuras máis destacadas da historia de Galicia. 

Toda unha experiencia inmersiva que combina intelixencia artificial, hologramas, videoproxeccións e realidade virtual para articular un relato que nos traslada unha visión innovadora da vida, aportacións e universo artístico de Alfonso Daniel Rodríguez Castelao.

 

O  MILLO E AS ESFOLLADAS !!!

O ALUMNADO DE 6º DE E.INFANTIL RETOMA UNHAS DAS TRADICIÓNS DE OUTONO MÁIS IMPORTANTES EN GALICIA: A COLLEITA E ESFOLLADA DO MILLO.

TROUXERON ESPIGAS DE DIFERENTES TIPOS DAS CASAS, ESFOLLARON. DEBULLARON, LEVARON OS GRAN A MOER E, COA FARIÑA FIXERON PAN DE MILLO !!!

AQUÍ PODEDES VER QUE SI PAN DE MILLO VAS MERENDAR... MOITO É O TRABALLO QUE HAI DETRÁS !!

 

BENVID@S  AO  BLOG DO E.D.L.G DO CURSO 2025-26 !!

O PROXECTO  DESTE CURSO  LEVA  POR  TÍTULO:

"CO  GALEGO  ATA  A  LÚA "

O OBXECTIVO  PRIORITARIO  DO EQUIPO SERÁ PROMOVER E POTENCIAR O USO DO GALEGO EN TODA A COMUNIDADE EDUCATIVA E, ESPECIALMENTE ENTRE O ALUMNADO  PARA GARANTIR  UNHA BOA COMPETENCIA LINGÜÍSTICA .

TRATAREMOS DE ELIMINAR  OS PREXUÍZOS CARA O GALEGO FACÉNDOLLES VER QUE A NOSA LINGUA É TAN VÁLIDA COMO CALQUERA OUTRA E DEMOSTRAR QUE NOS PODEMOS RELACIONAR CO MUNDO SEN RENUNCIAR AO GALEGO  MESMO  CHEGAR CON EL " ATA A LÚA".

 

 O  xoves 19, todo o centro fixo unha camiñata á carballeira de Ortoño onde o alumnado de 5º e 6º de E.P acompañou ao alumnado de E. Infantil.

Desfrutar dunha xornada de convivencia moi festeira   con moitas actuacións : pandeiretas, muiñeiras, xotas, guitarrista, .... e ata baile do profesorado, onde a cultura e as tradicións galegas estiveron moi presentes...

Aquí deixamos unha mostra do ben que o pasamos!

A SEREÍÑA ARIEL, A HEROÍNA DOS OCÉANOS"

O pasado 16 e 18 de xuño, o alumnado de 6ºde E.P representou para todo o centro e para as súas familias ( no acto de despedida de primaria que se levou a cabo na casa da Cultura de Bertamiráns)  un  musical que trata o tema da contaminación dos océanos e a necesidade de que a humanidade se una para buscar solucións a este problema para a vida mariña e submarina. Así mesmo, a heroína é unha muller. Rómpese deste xeito co estereotipo de que  a muller é a débil e debe ser salvada. A educación física, abarca a maioría dos contidos da materia con esta obra. Realízanse actividades de mimo, expresión dramática, danza con distintas coreografías, ximnasia, acrosport... 

     Parabéns aos artistas e as profes de E. Física polo seu traballo, foi un éxito !!

Hoxe tivemos sesión de teatro no cole!!!

O alumnado de 3º de E.Primaria presentou " O neno perdido" e o alumnado de 6º de E.P  "O Barcarola", dúas adaptacións dos libros de Xelís de Toro e de Eduardo Rojas Rebolledo.

A estrea foi todo un éxito , parabéns para os artistas!!!

Aquí podedes ver un fragmento da posta en escea...

 

O vindeiro sábado , 14 de xuño, na Casa da Cultura do Milladoiro terá lugar, ás 12:30h a Gala de Entrega de Premios do XXII certame Literario do Concello de Ames.

Felicitamos á alumna de 6ºE.Primaria, Iria Martínez Mosquera por acadar o 1º Premio na categoría 1, moitos parabéns !!! 

                                        

 

O 17 de maio, celebramos o Día das Letras Galegas , recordando que,  tal día como ese, en 1863, publicouse o primeiro exemplar da obra "Cantares Gallegos"  , de Rosalía de Castro, que marcaría o inicio do "Rexurdimento" o renacemento cultural de Galicia.

 Este ano 2025  está dedicado á poesía popular oral. Ás cantareiras personificado en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica).

No noso centro tivemos unha semana cultura chea de actividades tal e como podedes ver neste video:

E, ademais, moitos foron os cantares sementados no Agro...

EN E. INFANTIL...

EN E. PRIMARIA!

ENTREVISTAMOS A CARMEN LIÑARES, UNHA CANTAREIRA E PANDEIRETEIRA DA NOSA ZONA !

https://www.ivoox.com/entrevista-a-carmen-linares-cantareira-e-pandeireteira-audios-mp3_rf_143462397_1.html

" A LINGUA NON MORRE SE O POBO A FALA!"

"CORRELINGUA" cumple 25 anos e, un ano máis, esta actividade que desenvolven a Mesa pola Normalización Lingúística, a Asociación Socio-Pedagóxica Galega e a CIG-Ensino  percorre Galicia para que a nosa lingua se manteña viva entre a cativada e a mocidade galega.

Hoxe 8 de maio, arredor de 1400 estudantes de 17 centros da zona de Santiago defenderon con fachenda e alegría  a lingua galega polas rúas da zona vella de Santiago.

A festa final tivo lugar no palco da música Alameda, amenizada por  Isabel Risco.

O alumnado de 1º de E.P do noso centro, participou esta mañá nesta actividade lúdico-reinvindicativa .

 

 

Os  maios son unha festa de tradición popular moi antiga en Galicia ( sobre todo en Ourense e Pontevedra). A súa orixe remóntase ás civilizacións prerromanas.

Coa exaltación da Natureza, conmemoramos a chegada definitiva da primavera e o final do cru inverno.

O alumnado de E. Infantil elaborou dous fermosos maios con xestas, fiuncho, fieitos, pampullos, estalotes, cartuchos, carrabouxos... que eles mesmos recolleron coa colaboración das familias.

Neste video podedes ver como os elaboraron e como lle cantaron !

O Día Internacional contra o acoso escolar  conmemórase o 2 de maio, este día no C.E.I.P Agro do Muíño, dedicámolo a sensibilizar sobre o acoso escolar e a promover a prevención e o  apoio ás víctimas xa que este é un grave problema que afecta a millóns de escolares en todo o mundo e que causa unhas 200 mortes cada ano...

No centro , dende o curso pasado, hai colocado  un punto laranxa que funciona como un buzón no que o alumnado, dende o absoluto anonimato, pode trasladar situacións de acoso propias ou que perciban en terceiros.

Este buzón está xestionado  polo coordinador de benestar emocional e convivencia e a especialista de AL do centro. Deste xeito, o alumnado conta cun equipo de referencia ao que dirixirse  en caso de que o precise.

Ademais deste punto laranxa nas instalacións do centro (formato físico) contamos con outro  virtual a través da nosa páxina web .

Debemos lembrar que: o acoso escolar ou "bullying", é unha forma de violencia ou maltrato que un estudiante ou grupo de estudiantes exerce sobre outro ou varios, de forma repetitiva e coa intención de causar dano físico ou psicolóxico. Este maltrato pode manifestarse de diversas formas, incluíndo agresións físicas, verbais, psicolóxicas ou sociais.

O C.E.I.P Agro do Muíño reivindica a tolerancia “cero” ante calquera conducta contraria á convivencia 

 

 Abril é  un mes especial para os amantes dos libros. Cada ano  conmemóranse dúas datas trascendentais para as letras e a cultura: o 2 de abril celébrase o "Día Internacional do libro infantil e xuvenil" en conmemoración do nacemento do escritor Hans Christian Andersen e, o 23 de abril o "Día internacional do libro" para conmemorar a morte de 3 grandes escritores: Miguel de Cervantes, Willian Shakespeare e Garcilaso de la Vega.

No C.E.I.P Agro do Muíño leváronse a cabo diversas actividades para conmemorar estas datas.

A edición de 2024 dos Premios Mil Primaveras recoñeceu catro novos proxectos de normalización lingüística: Brazolinda (unha iniciativa empresarial de creación de xogos en galego), Galego para peques (un proxecto audiovisual dirixido á primeira infancia), Modo galego, actívao! (un programa integral de dinamización lingüística en diferentes ámbitos) e Vitamina G (unha iniciativa educativa co galego como factor de integración e cohesión social).

Modo galego, actívao!

Modo galego, actívao! é un proxecto de investigación-acción desenvolvido de xeito colaborativo pola Real Academia Galega e o Concello de Ames. Botou a andar en 2021 e busca dinamizar a lingua galega traballando asemade diferentes ámbitos: a educación, o lecer e as familias. É un programa exportable a outros lugares que combina a intervención e a avaliación, o que permite que poida evolucionar de acordo cos resultados obtidos. Destaca pola colaboración entre institucións e pola implicación de diferentes axentes (docentes, alumnado, monitorado e familias) nun proxecto integral para todo o concello. O xurado tamén salientou aspectos como a súa planificación coidada e rigorosa, que promove a reflexión sociolingüística interxeracional e que incide en diferentes ámbitos de vida das crianzas co fin de facilitar a socialización en galego.

O sábado ,7 de xuño, será a entrega do premio no Pazo da Cultura de Pontevedra.

Parabéns ao Concello de Ames por esta iniciativa e a todos os centros educativos participantes  de Ames: EEI de Milladoiro, CEIP Agro do Muíño, Ceip A Maía,  CEIP de Barouta, CEIP de Ventín.

 

 

Cada  1 de  Abril  conmemoramos  o  DÍA DAS ARTES GALEGAS.

Este  ano 2025 o homenaxeado é  ISAAC DÍAZ PARDO

( Santiago de Compostela , 22 de agosto de 1920 -A Coruña ,5 de xaneiro de 2011).

Os ollos de Isaac , como os de Picasso, vían detrás do horizonte artístico... era máis  que un xenio e demostrouno  como pintor, deseñador, ceramista e arquitecto. 

Unha figura "transcendental da transformación das artes galegas do s.XX".

O alumnado de 5º de E.Infantil visitou o monolito de "Homenaxe ás xentes do mar" en Rianxo.

 

 

O día 21 de marzo, coincidindo co equinocio da primavera no hemisferio norte, conmemoramos o Día Mundial da poesía simbolizando así a renovación e o florecemento da cultura e da lingua a través da poesía.

O alumnado de 3º de E.P coa axuda da súa mestra de E.Física , crearon poemas sobre o mar e interpretáronnos con percusión e movemento.

E o alumnado de 6º de E.P fixo unha fermosa regueifa sobre o mundo mariño "AMARAMAR", a cal impulsa a improvisación oral en verso en lingua galega e amplía aptitudes retóricas . Con esta regueifa participarán no VIII edición do certame "Enregueífate".

 

Do 10 ao 14 de marzo celebramos a "Semana da prensa na escola".

O alumnado de 3º e 4º de E.Primaria editou o xornal da nosa escola "O FARO DE AGRO" cunha edición especial onde se recollen moitas novas, entrevistas , pasatempos, horóscopo... foi todo un éxito!

Aquí podedes ver algunhas das actividades que se levaron a cabo cos xornais... 

 

O luns 10 de marzo,  commemoramos o Día Internacional da Muller que este ano dedicamos ás mulleres do mar: mariscadoras, mariñeiras, percebeiras, redeiras... e ,en especial a nosa oceanógrafa, de recoñecemento mundial, Ángeles Alvariño.

As alumnas de 6º E.primaria recitaron uns poemas que elas mesmas escribiron sobre as mulleres do mar e o alumnado de 5º E.Primaria elaborou o mural "Un mar de igualdade". Contamos coa actuación de Olga Kirk e Pablo Díaz que nos financiou o Concello e, para finalizar o acto, fixemos entre tod@s unha "Onda pola igualdade" coas pañoletas  violetas que nos agasallou a ANPA .

 

O venres, 7 de marzo, o alumnado de 5º de E. Infantil e 6º de E.Primaria, participou na xornada de innovación "Innov@mes"  organizada polo Concello de Ames  co obxectivo de fomentar  a formación en innovación nos centros de ensino amienses.

Presentaron dous proxectos : " O mundo submarino" e "Aprendendo xeometría coa impresora 3D" cos que acadaron o 3º e 4º premio .

Parabéns para tod@s @s premiad@s polo seu traballo !!!

 

O ENTROIDO  é unha celebración de longa tradición en Galicia e, a importancia é tal que, oito dos entroidos galegos son considerados "Festa de interés turístico". Tal vez sexa a festa por excelencia cunha gran participación de ne@s e maiores por iso, no noso centro, do 24 ao 28 de febreiro , traballamos esta tradición coa finalidade de promover o coñecemento da nosa cultura popular. 

Comenzamos a semana cos mandadiños do meco...

e rematamos o venres de Entroido cunha gran festa con desfile de comparsas e baile para todas as familias.

O día 23 de febreiro, celebramos o "Día de Rosalía",  nacida en Santiago de Compostela (1837-1885), e que pasou os primeiros anos de vida aquí en Ortoño, coas súas tías.

É a escritora galega máis recoñecida a nivel mundial tanto pola súa poesía como polas súas novelas.

No noso centro, o luns 24 de febreiro, fixemos un acto na súa honra !

Nas aulas traballamos a figura desta gran escritora a través de diferentes actividades ...

E ademais, pola tarde, o alumnado de 5º e 6º de E.P participou na "Gala de Rosalía" que organiza o Concello de Ames.

Nesta Gala participaron todos os centros educativos de Ames, a asociación cultural de Bugallido, Anxo Angueira, Uxía Senlle e Santi Cribeiro, Xabier Estévez,...

Foi unha Gala moi fermosa donde se homenaxeou por todo o alto a figura da nosa Rosalía de Castro.